អតីតឧកញ៉ា ស្រី ស៊ីណា ដែលបាញ់សម្លាប់មនុស្ស២នាក់ ដែលជាគូដណ្តឹងនឹងគ្នា ត្រូវបានតុលាការផ្តន្ទាទោសដាក់ពន្ធនាគាររយៈពេល ៣១ឆ្នាំ និងសងសំណង ជាង $២លាន
សាលាដំបូងរាជធានីភ្នំពេញ បានសម្រេចផ្តន្ទាទោសលើអតីតឧកញ៉ា ស្រី ស៊ីណា ដាក់ពន្ធនាគាររយៈពេល៣១ឆ្នាំ និងសងសំណងដល់គ្រួសារជនរងគ្រោះ ជាង ២លានដុល្លារអាមេរិក ក្នុងសំណុំរឿងឃាតកម្មបាញ់សម្លាប់មនុស្សប្រុសស្រី២នាក់គូដណ្តឹង និងបណ្តាលឱ្យមនុស្ស២នាក់រងរបួស ដែលបានប្រព្រឹត្ត កាលពីថ្ងៃទី១៧ មិថុនា ឆ្នាំ២០២៤ នៅបុរីប៉េងហួតបឹងស្នោ ខណ្ឌច្បារអំពៅ រាជធានីភ្នំពេញ។
បើតាមសេចក្តីប្រកាសព័ត៌មានរបស់អ្នកនាំពាក្យសាលាដំបូងរាជធានីភ្នំពេញ នាថ្ងៃទី២៣ ធ្នូ នេះ តុលាការបានផ្តន្ទាទោសលើឈ្មោះ ស្រី ស៊ីណា ពាក់ព័ន្ធនឹងករណីឃាតកម្ម ប៉ុនប៉ងឃាតកម្ម ប្រើប្រាស់អាវុធដោយគ្មានការអនុញ្ញាត និងបទរំលោភលើលំនៅឋាន ដោយសម្រេចផ្តន្ទាទោសដាក់ពន្ធនាគារ រយៈពេល៣១ឆ្នាំ និងតម្រូវឱ្យសងសំណងដល់គ្រួសារជនរងគ្រោះ រួមទាំងពិន័យជាប្រាក់ ជាង ២ ៥៥០ ០០០លានដុល្លារអាមេរិក៕
