លោក មាជ សុវណ្ណារ៉ា ប្រធានគណបក្សជំនាន់ថ្មី ដែលកំពុងប្រឈមចំពោះផ្លូវច្បាប់ នឹងវិលត្រឡប់មកដល់កម្ពុជាវិញ នៅថ្ងៃនេះ

Breaking News: ប្រភពច្បាស់ការណ៍ បញ្ជាក់ថា ប្រមុខគណបក្សជំនាន់ថ្មី លោក មាជ សុវណ្ណារ៉ា អ្នកនយោបាយ ដែលកំពុងប្រឈមមុខចំពោះផ្លូវច្បាប់ ដោយតុលាការចោទប្រកាន់ពីបទញុះញង់បង្កឱ្យមានការរើសអើងពាក់ព័ន្ធការអធិប្បាយរបស់លោករឿងក្រុមហ៊ុនវៀតណាមនៅខេត្តរតនគិរីនោះ លោកនឹងវិលមកដល់ប្រទេសកម្ពុជាវិញ នៅថ្ងៃទី២៣ ខែកញ្ញា នេះ។

នៅពេលនិយាយជាមួយ The Cambodia Now News (CNN) តាមទូរស័ព្ទ លោក មាជ សុវណ្ណារ៉ា សុំមិនធ្វើអត្ថាធិប្បាយពិស្តារទេ ដោយលោកគ្រាន់តែបញ្ជាក់ខ្លីថា លោកនឹងចូលមកដល់ប្រទេសកម្ពុជាវិញ នៅថ្ងៃនេះ ហើយថា«អ្វីៗអនុវត្តទៅតាមច្បាប់»៕