លោក Michael B Alfaro ថា នៅអាមេរិក មិនអត់ឱនចំពោះការសម្លុតទេ ដោយថា ថៃបានប្រព្រឹត្តឧក្រិដ្ឋកម្មសង្គ្រាមប្រឆាំងនឹងកម្ពុជា និងចាប់ទាហាន១៨នាក់ជាចំណាប់ខ្មាំង

លោក Michael B Alfaro ដែលអ្នកខ្លះថា ជាអ្នកឆ្លើយឆ្លងព័ត៌មានប្រចាំសេតវិមាន និងជាទីប្រឹក្សាលោកប្រធានាធិបតីសហរដ្ឋអាមេរិក Donald Trump ឯអ្នកខ្លះថា លោកជាអ្នកជំនួញនោះ បានសរសេរលើទំព័រហ្វេសប៊ុករបស់លោក នៅ២ម៉ោងមុននេះ ថា៖«នៅអាមេរិក យើងមិនអត់ឱនចំពោះការសម្លុតទេ។ ថៃបានប្រព្រឹត្តឧក្រិដ្ឋកម្មសង្គ្រាមប្រឆាំងកម្ពុជា និងចាប់ទាហាន១៨នាក់ជាចំណាប់ខ្មាំង។ នេះត្រូវតែបញ្ចប់»។

លោកបន្តថា ដល់ពេលដោះលែងទាហាន១៨នាក់ហើយ។ ដល់ពេលត្រូវបញ្ជូនអ្នកស្លាប់មកវិញ ដើម្បីឱ្យពួកគេបានស្ងប់ស្ងាត់។ ប្រជាជនអាមេរិកចំនួន ៥០លាននាក់ ដែលស្រឡាញ់សេរីភាព និងស្រឡាញ់ Trump ឈរ ដើម្បីសន្តិភាព តាមរយៈកម្លាំង។

លោក Michael បន្ថែមថា៖«យើងនឹងមិននៅស្ងៀមទេ។ អាមេរិក នឹងឈរនៅខាងជនរងគ្រោះ នៃឧក្រិដ្ឋកម្មសង្គ្រាមប្រឆាំងមនុស្សជាតិ»៕