មុនត្រឡប់ទៅសហរដ្ឋអាមរិកនៅយប់នេះ លោក Michael បានទៅឈ្វេងយល់ពីសកម្មភាពមីននៅកម្ពុជា ដោយទទួលបានការសរសើរថា លោកពិតជាបានស្តារភាពស្អាតស្អំ និងភាពថ្លៃថ្នូរជូនកម្ពុជាវិញ

អ្នកសារព័ត៌មានអាមេរិកប្រចាំសេតវិមាន លោក Michael B Alfaro មុននឹងត្រឡប់ទៅសហរដ្ឋអាមរិកវិញនៅវេលាយប់ថ្ងៃទី១៨ សីហា នេះ បានទៅឈ្វេងយល់អំពីសកម្មភាពមីននៅកម្ពុជា តាមការអញ្ជើញរបស់លោក លី ធុជ ប្រធានអាជ្ញាធរមីនកម្ពុជា។

អាជ្ញាធរមីន ពិតជាមានកិត្តិយស និងថ្លែងអំណរគុណ ចំពោះលោក Michael B Alfaro ដែលតែងតែគាំទ្រសន្តិភាពនៅកម្ពុជា និងចូលរួមក្នុងការប្រយុទ្ធប្រឆាំងនឹងពត៌មានក្លែងក្លាយរបស់ថៃ ដែលតែងតែបង្ខូចកេរ្តិ៍ឈ្មោះកម្ពុជាលើឆាកអន្តរជាតិ។ Alfaro ពិតជាបានស្តារឡើងវិញនូវភាពស្អាតស្អំ និងភាពថ្លៃថ្នូរពិតប្រាកដជូនប្រជាជន និងប្រទេសកម្ពុជា។ នេះបើតាមទំព័រហ្វេសប៊ុកលោក លី ធុជ ប្រធានអាជ្ញាធរមីនកម្ពុជា ផ្សាយនៅល្ងាចថ្ងៃទី១៨ សីហា នេះ។