ទៅអ៊ីចឹងឆ្កុយថៃ! ភាគីថៃបែរជាចោទកម្ពុជាថា ជាអ្នករំលោភកិច្ចព្រមព្រៀងបទឈប់បាញ់ ដែលធ្វើឱ្យប៉ះពាល់ទំនុកចិត្ត រវាងប្រទេសទាំងពីរ ដោយទាហានកម្ពុជាបានឡោមព័ទ្ធ និងកាត់បន្លាលួស

ក្រុមអ្នកសង្កេតការណ៍បណ្តោះអាសន្នអាស៊ាន(IOT) ចុះទៅពិនិត្យស្ថានការណ៍នៅ ចុងអានម៉ា(ច្រកអានសេះ) ដែលទាហានខ្មែរត្អូញត្អែរថាជនជាតិថៃបាននាំមនុស្សចូលតំបន់នេះច្រើនពេក។ ដំណើរទស្សនកិច្ចនេះដឹកនាំដោយកងយោធពលខេមរភូមិន្ទថៃ តំណាងដោយនាយកដ្ឋានចារកម្មយោធា ដែលក្រុមសង្កេតការណ៍ទាំងនោះមកពីប្រទេសសមាជិកអាស៊ានចំនួន៨ ដូចជា ប្រ៊ុយណេ ម៉ាឡេស៊ី ឡាវ ឥណ្ឌូនេស៊ី មីយ៉ាន់ម៉ា ហ្វីលីពីន សិង្ហបុរី និងវៀតណាម ដែលរួមមានគណៈប្រតិភូ សរុប១៤នាក់ ដោយពួកគេទៅពិនិត្យស្ថានការណ៍ ដែលទាហានកម្ពុជា ឡោមព័ទ្ធ និងកាត់បន្លាលួស។

បើតាមសារព័ត៌មានថៃ Khaosod ផ្សាយនៅថ្ងៃទី១៩ សីហា នេះ លោក Samsul Rizal bin Musa អនុព័ន្ធការពារជាតិម៉ាឡេស៊ីប្រចាំប្រទេសថៃ បានដឹកនាំគណៈប្រតិភូក្នុងដំណើរទស្សនកិច្ចនេះ ដោយពួកគេបានទៅទស្សនាតំបន់ Chong An Ma (អានសេះ) ក្នុងស្រុក Nam Yuen ខេត្ត Ubon Ratchathani ដើម្បីតាមដានស្ថានការណ៍ និងស៊ើបអង្កេតឧបទ្ទវហេតុ ដែលកងកម្លាំងកម្ពុជាបានឡោមព័ទ្ធ និងកាត់លួសបន្លា ដែលរំលោភលើកិច្ចព្រមព្រៀងឈប់បាញ់ និងប៉ះពាល់ដល់ទំនុកចិត្ត រវាងប្រទេសទាំងពីរ។

ក្នុងដំណើរទស្សនកិច្ចនោះ ទាហានខ្មែរម្នាក់បានបង្ហាញការមិនពេញចិត្ត ដោយស្រែកខ្លាំងៗ និងបដិសេធមិនអនុញ្ញាតឱ្យភាគីថៃនាំក្រុមសង្កេតការណ៍ទៅអង្កេតតំបន់ជុំវិញ។លោកថា ចំនួនបុគ្គលិកអមមានច្រើនពេក ហើយអនុញ្ញាតឱ្យអ្នកសង្កេតការណ៍ចូលក្នុងតំបន់ជុំវិញ The Ta Om Monument(វិមានតាអំ)តែប៉ុណ្ណោះ។ ប្រព័ន្ធផ្សព្វផ្សាយ និងមន្ត្រីថៃត្រូវបានដាក់កម្រិតទៅតំបន់ហាងក្បែរនោះ។

សារព័ត៌មានដដែល ក៏បានផ្សាយថា ទាហានកម្ពុជាក៏បានបន្តលើកឡើងអំពីអធិបតេយ្យភាពរបស់កម្ពុជា ហើយបានព្យាយាមបង្កើតឈុតឆាកដើម្បីទាក់ទាញអ្នកសង្កេតការណ៍។ ទោះយ៉ាងណា ក្រុមអ្នកសង្កេតការណ៍នៅតែផ្តោតទៅលើការចុះពិនិត្យតំបន់នោះ និងទទួលបានព័ត៌មានសង្ខេបពីយោធាថៃ។

ក្រុមអ្នកសង្កេតការណ៍បានចំណាយពេលប្រហែល១ម៉ោងក្នុងការត្រួតពិនិត្យតំបន់នោះ ដោយកត់សម្គាល់ថា ហាងដែលនៅជុំវិញនោះរងការខូចខាតដោយសារការផ្ទុះ និងអគ្គិភ័យ ដោយសារជម្លោះកន្លងមកនេះ។ វិមានតាអំ នៅតែជាចំណុចសំខាន់នៃការត្រួតពិនិត្យរបស់ពួកគេ៕