ក្រសួងធនធានទឹក និងឧតុនិយម នៅថ្ងៃទី៧ ខែមេសា ឆ្នាំ២០២៤ បានជូនដំណឹងអំពីស្ថានភាពអាកាសធាតុនៅព្រះរាជាណាចក្រកម្ពុជា ដែលចាប់ពីថ្ងៃទី៧ ដល់ថ្ងៃទី៩ ខែមេសា សម្រាប់តំបន់វាលទំនាប សីតុណ្ហភាពអប្បបរមា ២៦°C (អង្សាសេ) និងសីតុណ្ហភាពអតិបរមា ៣៧°C។
ខ្យល់បក់មកពីទិសអាគ្នេយ៍ និងទិសនិរតីមានល្បឿនមធ្យម២ម៉ែត្រ/វិនាទី។ សម្រាប់តំបន់ខ្ពង់រាបមានសីតុណ្ហភាពអប្បបរមា ២៥°C និងសីតុណ្ហភាពអតិបរមា ៣៩°C។ ខ្យល់បក់មកពីទិសបស្ចិម និងទិសនិរតី មានល្បឿនមធ្យម៣ម៉ែត្រ/វិនាទី។ សម្រាប់តំបន់មាត់សមុទ្រមានសីតុណ្ហភាពអប្បបរមា ២៥°C និងសីតុណ្ហភាពអតិបរមា ៣៦°C។ ខ្យល់បក់មកពីទិសនិរតី មានល្បឿន មធ្យម៣ម៉ែត្រ/វិនាទី។
ប្រភពដដែលឱ្យដឹងថា៖«អាចមានភ្លៀងធ្លាក់ជាមួយផ្គរ រន្ទះ និងខ្យល់កន្ត្រាក់គ្របដណ្តប់លើផ្ទៃដី៥ភាគរយ។ រលកសមុទ្រមានកម្ពស់មធ្យមអប្បបរមា ០,៥០ម៉ែត្រ និងកម្ពស់មធ្យមអតិបរមា ១,៥០ម៉ែត្រ»៕
