ប្រមុខការទូតកម្ពុជា លោក សុខ ចិន្តាសោភា នឹងផ្លាស់ចេញក្នុងពេលឆាប់ៗនេះ ហើយដាក់ជំនួសមកវិញដោយអតីតប្រមុខការទូត លោក ប្រាក់ សុខុន

រដ្ឋមន្ត្រីការបរទេស និងសហប្រតិបត្តិការអន្តរជាតិរបស់កម្ពុជា លោកឧបនាយករដ្ឋមន្ត្រី សុខ ចិន្តាសោភា នឹងត្រូវផ្លាស់ប្តូរចេញក្នុងពេលឆាប់ៗខាងមុខនេះ ដោយអតីតប្រមុខការទូត លោក ប្រាក់ សុខុន ដែលបច្ចុប្បន្នជាអនុប្រធានទី១ព្រឹទ្ធសភា នឹងត្រូវមកជំនួសវិញ។ លោកនាយករដ្ឋមន្ត្រី ហ៊ុន ម៉ាណែត បានសរសេរលិខិតដាក់ជូនរដ្ឋសភារួចហើយ ដើម្បីសុំការបោះឆ្នោតផ្តល់សេចក្តីទុកចិត្ត។ នេះបើតាមមន្ត្រីជាន់ខ្ពស់រដ្ឋាភិបាល។

ទោះជាយ៉ាងណា ការផ្លាស់ប្តូរប្រមុខការទូតនេះ មន្ត្រីជាន់ខ្ពស់រូបនោះមិនបានដឹងថា តើ លោក សុខ ចិន្តាសោភា នឹងត្រូវផ្លាស់ទៅកាន់តំណែងអ្វីនោះទេ៕